काही स्फूट शेर

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या ब्लॉगवरचे साहित्य इतरांना पाठवायचे असल्यास कृपया ब्लॉगचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. ब्लॉगवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
''माझी वाङ्मयशेती - माझा ब्लॉग''वर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

YFPCL


युगात्मा शरद जोशी फार्मर्स प्रोड्यूसर कं. लि. अधिक माहितीसाठी 
   http://yugatma.sharadjoshi.in/    
येथे भेट द्या.
गंगाधर मुटे's picture

काही स्फूट शेर आणि अपूर्ण गझल

येते कधी कधी पण; सांगून येत नाही
इतक्याच कारणाने संधी कवेत नाही

मी मेघ बाष्पधारी वणव्याकडे निघालो
मम वाट रोखणारा वारा सचेत नाही

- गंगाधर मुटे
~~~~~~~~~~~~~~~~~~~~~~~~~~~~

साम-दामाविना जन्म व्यर्थ आहे, नर्क आहे?
लोकशाहीस इतुकाच अर्थ आहे? तर्क आहे!

- गंगाधर मुटे
~~~~~~~~~~~~~~~~~~~~~~~~~~~~

प्रश्न हा नाहीच की आता प्रश्नच बाकी नाही
प्रश्नच प्रश्न सोडले तर प्रश्नच बाकी नाही

- गंगाधर मुटे
~~~~~~~~~~~~~~~~~~~~~~~~~~~~

जिंकावया जगाला ऐटीत तो निघाला
मुलखात मुद्रिकेच्या अलगद शिकार झाला

- गंगाधर मुटे
~~~~~~~~~~~~~~~~~~~~~~~~~~~~

धुंदलेल्या वादळाला तू असे अडवू नये रे
तप्त झाल्या भावनेची तू नशा चढवून ये रे

- गंगाधर मुटे
~~~~~~~~~~~~~~~~~~~~~~~~~~~~

तापणारा तापतो अन मजवरी संतापतो
मी खुबीने ताप त्याचा धस्कटाने मापतो

तापल्या मातीकुतीला या ढगांची ओढणी
ओढताना ओढणीला सूर्यही मग धापतो

- गंगाधर मुटे 'अभय’
.................................

जगामध्ये चमकायला अक्कल पहिजे
अक्कल नसेल तर निदान टक्कल पाहिजे

- गंगाधर मुटे
~~~~~~~~~~~~~~~~~~~~~~~~~~~~

ऐकताना कान त्यांनी झाकले अन्
बोलले तेही जणू उपकार केले

- गंगाधर मुटे
~~~~~~~~~~~~~~~~~~~~~~~~~~~~

जरी हे खरे की रसिकामध्ये प्राविण्य पाहिजे
परंतु; कविते तुझ्यातही थोडे नाविण्य पाहिजे

- गंगाधर मुटे
~~~~~~~~~~~~~~~~~~~~~~~~~~~~

ती किंचाळली तेव्हा रात्र निजली होती
जागी होईस्तोवर पहाट भिजली होती

- गंगाधर मुटे
~~~~~~~~~~~~~~~~~~~~~~~~~~~~

झोपेमध्ये असतो तेव्हा मनिषा जागत असते
उघड्या माझ्या जखमांवरती फ़ुंकर घालत असते

जिथे श्रमाने दमल्यावरती बुद्धी लोळण घेते
घट्ट धरोनी तिथे मनाला उमेद धावत असते

- गंगाधर मुटे ’अभय’

* * *

न गरजतो, न बरसतो, नुसताच रिमझिमतोय
हा पाऊसच आहे की पुणेरी माणूस?

- गंगाधर मुटे
~~~~~~~~~~~~~~~~~~~~~~~~~~~~

निर्ढावल्या नभाशी खेटून ठाकला तो
भांबावल्या दिशांना आधार वाटला तो

गगनात एक पक्षी ललकारतो हवेला
आभाळ पेलण्याच्या स्वप्नात गुंतला तो

अदृश्य एक वारा, असतो सदा सवेला
बघता उदास मुखडा, गोंजारतो मला तो

- गंगाधर मुटे ’अभय’
==^=0=^=0=^=0=^=0=^=0=^=0=^=0=^=0=^=0==

कुणी रेटून जात आहे, कुणी खेटून जात आहे
उरले-सुरले उगवतीचा गर्भ तुडवून जात आहे

फायद्याचा दिसतो सौदा तोपर्यंत ... तोपर्यंतच
पुढे पुढे मिरवतो त्याची तो स्वत:हून जात आहे

- गंगाधर मुटे
~~~~~~~~~~~~~~~~~~~~~~~~~~~~

चंद्राळतो जणू मी दिसताच मित्र माझा
बरसात चांदव्याची करताच मित्र माझा

-गंगाधर मुटे "अभय"
==^=0=^=0=^=0=^=0=^=0=^=0=^=0=