प्रकाशात शिरायासाठी

प्रकाशात शिरायासाठी

ओढते रात, अमावास, फ़िरायासाठी
दे जरा हात, प्रकाशात, शिरायासाठी

काढली स्वत्व, बघायास, स्वत:ची सेल्फ़ी?
टाक फाडून, अहंभाव, जिरायासाठी

तुला दिसणार, कशा सांग, सुगंधी जखमा?
तूच ये आज, उभे हृदय, चिरायासाठी

ही कडा सर्द, तरी गर्द, फुलांची वस्ती
ठाकते ताठ, तुफानास, विरायासाठी

तामसी ताज, दगाबाज, निघाला म्हणुनी
काढतो रोज, अभय पोट, किरायासाठी

- गंगाधर मुटे 'अभय'
-----------------------------